AAJ FIR AAI BAHAAR

Aaj fir aai bahar,
Aaj hua mausam gulzaar;
Man fir machla,
Ki likhoon line do-chaar;
Jagjit singh ji ki gazal bhi,
Aaj fir yaad aai hai;
Wo kagaz ki kashti,
Wo baarish ka pani;
Kashti to nahi hai ab,
Par hai ab bhi wo baarish ka thanda pani;
Rimjhim si ye baarish,
Ab koi naya geet suna rahi hai;
Awaj to nahi hai lekin,
Koi dhun zaroor gunguna rahi hai;
Garajta hua badal bhi,
Peeche dhol baja raha hai;
Chamakti hui bijli,
Jeeven ko naya ujala de rahi hai;
June ki garmi mein ye barish,
Aaj nayi umang layi hai;
Udaas sa ye jiven,
Aaj fir khil utha hai;
Prakriti bhi khush hai aaj,
Wo bhi jhoomna chahati hai;
Par kyon hum is prakriti ko,
Jakadte jaa rahe hain?
Hariyali ab baaki nahin,
Sab jagah makaan bante jaa rahe hain;
Ab bahar baarish band ho gayi,
Lagta hai prakriti bhi meri is baat se sehmat hai!!
Chalo fir baarish hogi zaroor,
Fir hoga mausam gulzaar;
Fir uthaunga kalam,
Fir likhoonga line do-chaar;

Written on 13/6/07, It was raining outside and I was in good mood So thought why not add up another poem to my stock. This poem is very less rhyming as compared to other poems of mine. I wrote this poem directly on my computer