Bachpan Ki Yaadein

Yaad ati hain bachpan ki pyari si yaadein,
Gaanv ki mitti ki khushboo ki saugaatein;
Nange paanv bhi kabhi school jata tha main,
School mein sabse agrandi kehlata tha main;
Maa ke haathon ki makki ki roti aur saag,
Agar mil jata to sachmuch aa jata swaad;
Pashuon ko charate the ham banakar toli,
Khelte the dopahar mein hum aankh michauli;
Kheton mein papa hal ko chalate,
Bailon ki peeth ko khoob vo thapthapate,
Ache sanskar vo hamesha hamein the sikhate;
Maa bhi kandhe se kandha milakar
Chalti thin papa ki chaya vo bankar;
Aati thi jab barsaat, laati thi saugat,
Lal peele aamon ki milti thi khuraak;
Aaj bhi fursat mein, main vo lamhein yaad karun,
Dil chaahe fir se ban jaun vahi panchi aazad!

Authored and shared by - Vijay Kumar Guleria