Vriksh

Jungle mein hare bhare anginat ped the,
Kuch dheer kuch gambheer khade the,
Prakriti ki adbhut chhata bikher rahe the,
De rahe the maa ke makhmali aanchal ka sparsh,
Mann ki tarangon ko prafullit kar rahe the,
Jaga rahe the umeed jeene ki fir se,
Is dhara par bhagwaan ka ehsaas kara rahe the,
Sehsa ek khayaal aaya mere mann mein,
Kyon ho gaya hun bimukh main in se,
Aao ham sab milkar karein ek pran,
Lagayein ek ped dharti par sab jan.

Authored and shared by - Vijay Kumar Guleria